മെക്സിക്കോ സിറ്റി: അമേരിക്കന് മേജര് ലീഗ് സോക്കര് ക്ലബ്ബായ ഇന്റര് മയാമിയുടെ അര്ജന്റൈന് സൂപ്പര് ഫുട്ബോളര് ലയണല് മെസിക്ക് ഒരു സങ്കടം ബാക്കി.
ഇംഗ്ലീഷ് പഠിക്കാന് സാധിക്കാത്തതിലാണ് മെസിയുടെ സങ്കടം. ചെറുപ്പത്തില് പഠിക്കേണ്ടതായിരുന്നെങ്കിലും അതില് വലിയ താത്പര്യം കാണിക്കാത്തതിന്റെ വിഷമം ഇപ്പോഴുണ്ടെന്നും മെക്സിക്കന് പ്രോഡ്കാസ്റ്റായ മിറോ ഡെ അട്രാസിനു നല്കിയ അഭിമുഖത്തില് ലയണല് മെസി പറഞ്ഞു.
38കാരനായ മെസിയുടെ നേതൃത്വത്തിലായിരുന്നു 2022 ഫിഫ ലോകകപ്പ് അര്ജന്റൈന് ടീം സ്വന്തമാക്കിയത്. ഫുട്ബോള് ലോകത്തെ ഏറ്റവും സമ്പന്നരില് ഒരാളാണ് മെസി.
“ചില കാര്യങ്ങളില് എനിക്ക് സങ്കടമുണ്ട്. ചെറുപ്പത്തില് ഇംഗ്ലീഷ് പഠിക്കാത്തതിലാണ് ഏറ്റവും സങ്കടം. പഠിക്കാന് ആവശ്യത്തിനു സമയമുണ്ടായിരുന്നു. എങ്കിലും ഇംഗ്ലീഷ് പഠിക്കാത്തതില് അതിയായി ഖേദിക്കുന്നു.
ഇംഗ്ലീഷ് അറിയാത്തതിനാല് അപൂര്ണനാണെന്നു തോന്നിയ നിമിഷങ്ങളുണ്ട്. പല പ്രമുഖ വ്യക്തികളുമായും ഇംഗ്ലീഷില് സംസാരിക്കാനും ആശയവിനിമയം നടത്താനും സാധിക്കാത്തപ്പോഴായിരുന്നു അത്. ചെറുപ്പത്തില് അതൊന്നും നമുക്കു മനസിലാകില്ല. ഇപ്പോള് എന്റെ കുട്ടികളോട് ഏറ്റവും കൂടുതല് ആവശ്യപ്പെടുന്നതും ഒന്നുമാത്രം, നന്നായി പഠിക്കുക’’ - മെസി പറഞ്ഞു.
Deepika
E-paper LOGIN
LOGIN
